22 მაისიდან  16 ივნისამდე გავიარეთ 9-დღიანი ტრენინგი. საკმაოდ ნაყოფიერი სამუშაო წარიმართა. ინტელის საგანმანათლებლო კურსის ფარგლებში დავნერგეთ

პროექტებით სწავლების სიახლე, რამაც დიდი ინტერესი გამოიწვია როგორც მოსწავლეებში, ისე მშობლებში. პროექტის მიზანია  მოსწავლეებში  21-ე საუკუნის უნარ-ჩვევების განვითარება. შევქმენით პროექტი შესაბამისი ნაშრომებით.
ვაწარმოე პორტფოლიო,  რომელიც ავტვირთე ბლოგზე.

მე-7 და მე-8 დღეების რეფლექსიები

ტრენინგის მე-7 დღეს ვიმსჯელეთ შეფასების რუბრიკებზე, რომლებიც დაგვეხმარება გავაუმჯობესოთ მოსწავლის სავარაუდო ნაშრომი და შეფასების სტრატეგიები.
   კიდევ ერთხელ გადავხედეთ პროექტის გეგმა და გავაკეთეთ უკუკავშირი.

ტრენინგის მე-8 დღის თემა იყო ,,ფასილიტაცია ტექნოლოგიებით".ვიმსჯელეთ, როგორ გამოვიყენოთ ტექნოლოგიები ჩვენი პროდუქტიულობის გაზრდისა და სწავლების პრაქტიკის გაუმჯობესებისათვის.
ვიმუშავეთ პროექტის გეგმის ერთ-ერთი ნაწილის - დიფერენცირებული სწავლების შევსებასთან დაკავშირებულ საკითხებზე და შევავსეთ გეგმის შესაბამისი ადგილი.

მეექვსე დღის რეფლექსია

საკმაოდ მნიშვნელოვანი და დატვირთული დღე გვქონდა. შევქმენით მოსწავლეთა სავარაუდო ნაშრომები,  მოვახდინეთ ფაილის ინტეგრირება, ბლოგზე ჩაშენება  და დისკზე ატვირთვა.

    ტრენინგის მე-5 დღეს განვიხილეთ ჯგუფის წევრთა გეგმები, მოხდა უკუკავშირი.
გავეცანით უკუკავშირის ფორმებს, უკუკავშირის მიცემას ციფრულად, საავტორო უფლებების ნორმებს. მათ დასაცავად შევქმენით ბიბლიოგრაფია და ვისწავლეთ მასალის ჩამოტვირთვა ლინკის დადებით. შევქმენით პროექტის პრეზენტაციის შაბლონი.
    დღევანდელი დღეც  ნაყოფიერ იყო.  

მესამე დღის რეფლექსია

   დღეს  ვიმუშავეთ პროექტის მიზნების ფორმულირებისას  გამოსაყენებელი დამხმარე ზმნების  ირგვლივ;
   განვიხილეთ მიმართულების  მიმცემი საკვანძო კითხვები ( ზოგადი, თემატური, შინაარსობრი). შევასრულეთ  პრაქტიკული სამუშაო მოცემულ საკითხთან დაკავშირებით წყვილებში და მოხდა მათი პრეზენტაცია.

პირველი-მეორე დღის რეფლექსია

  დავინახე  პროექტებით  სწავლების  აუცილებლობა  ჩვენს  საქმიანობაში. იგი დაგვეხმარება გაწეული მუშაობის ორგანიზებაში. პროექტზე მუშაობისას აუცილებელია არჩეული  თემის  ძირფესვიანად წარმოდგენა სტანდარტების გათვალისწინებით. ვისწავლეთ ვიუერის გამოყენება. გავხსენით საქაღალდეები  მომავალი ნამუშევრების თავმოსაყრელად.
  განვიხილეთ ჩვენ მიერ შერჩეული თემების განსახორციელებლად  შერჩეული აქტივობები, იყო უკუკავშირი ჯგუფის წევრებისა და ტრენერის მხრიდან. ტრენერის დახმარებით მარტივად დავამზადეთ ბუკლეტისა და  გაზეთის შაბლონი, ვისწავლეთ მზა შაბლონების გადმოტვირთვა. შევქმენით ბლოგი.
  დიდი მადლობა ქალბატონ ნათიას უსაზღვრო ენერგიისა და უშუალობისათვის.